O Decreto 13/2019, de 24 de xaneiro, polo que se aproban os Estatutos da Universidade de Vigo, publicados no DOG o 22 de febreiro de 2019, e elaborados conforme a LOU, recolle no artigo 49 do capítulo IV, de Centros e unidades de I+D+i, o marco dos Institutos Universitarios de Investigación, os cales teñen un Regulamento de creación e de xestión propios, aprobado polo Claustro o 17 de decembro de 2021, no que se recolle literalmente a norma pola que se rexen: “Os institutos universitarios de investigación constitúen unha estrutura organizativa básica das actividades de I+D+i do sistema público español, e especialmente das universidades, afianzados no papel que lles outorgan a Lei orgánica 6/2001, do 21 de decembro, modificada pola Lei orgánica 4/2007, do 12 de abril, a Lei 14/2011, do 1 de xuño, da ciencia, a tecnoloxía e a innovación, e a Orde do 26 de marzo de 2021, pola que se regula o procedemento de aprobación de centros e institutos de investigación do sistema universitario de Galicia”.
No momento da súa constitución, o Instituto Universitario de Investigación Xustiza e Xénero (IXEX) réxese:
- Pola lexislación de Investigación vixente.
- Polo Estatuto da Universidade que o acolle.
- Polo Regulamento de creación e de xestión dos institutos de investigación da Universidade de Vigo.
- Polo seu propio regulamento interno.