A violencia de xénero e sexual exercida contra as mulleres constitúe un dos delitos máis xeneralizado e menos recoñecido do mundo, que vulnera os dereitos fundamentais de igualdade, liberdade, integridade física e moral. Representa prácticas de poder que o sistema patriarcal outorga aos homes e que funcionan para lembrar ás mulleres a súa condición de subordinación e desigualdade, mentres manteñen e perpetúan a dominación e o privilexio masculino. Nesta forma de estruturarse as sociedades vincúlase a masculinidade aos trazos e roles máis instrumentais, incluíndo a agresión, o control e o dominio sexual, sometendo así ás mulleres mediante a utilización dos seus corpos e da súa sexualidade. Así, estas violencias afectan a todas as mulleres de todas as clases sociais, niveis educativos, razas e relixións, tanto no plano offline como en liña.
Neste sentido, o propósito do Instituto é unir o labor psicopedagóxica inherente á función docente, na que, por suposto, debe manifestarse o compromiso contra a violencia de xénero e sexual dirixindo novas investigacións nun laboratorio global no que se escrute a realidade para detectar e debater os problemas de violencia contra as mulleres que existen na sociedade, propoñendo solucións dirixidas aos poderes públicos para que, no exercicio das súas respectivas funcións, melloren o marco de convivencia común.